Бұл нұсқаулықта Windows операциялық жүйесінде бір компьютерден екінші компьютерге файлдарды оңай тасымалдауға мүмкіндік беретін ортақ папка жасауды үйренеміз.

1-қадам: Ортақ пайдаланылатын папканы дайындау

Алдымен ортақ пайдалануға арналған папканы жасаңыз немесе бар біреуін таңдаңыз:

1. Кез келген жерде жаңа папка ашыңыз (мысалы, E:\OrtaqPapkalar).
2. Оң жақпен шертіп, Свойства тармағын таңдаңыз.
3. Доступ қойындысына өтіңіз.
4. Расширенная настройка... батырмасын басыңыз.
5. Открыть общий доступ к этой папке жалаушасын қойып, қажет болса атын өзгертіңіз.
6. Разрешения арқылы қандай қолданушыларға қандай құқықтар берілетінін орнатыңыз (мысалы, "Все" — толық рұқсат).

2-қадам: Ортақ папкаға желі арқылы кіру

Енді басқа компьютерден осы ортақ папканы табу үшін келесі әрекеттерді орындаңыз:

1. Win + R пернелерін басып, \\КомпьютерАтауы немесе \\IP_Мекенжайы енгізіңіз. Мысалы: \\192.168.0.101.
2. Ортақ папка көрінсе, оған кіріп көруіңізге болады. Қажет болса логин/пароль енгізуіңіз керек болады.
3. Папканы оңай табу үшін оны желілік диск ретінде қосуға болады.

3-қадам: Желілік диск ретінде жалғау (қаласаңыз)

Ортақ папкаға үнемі кіріп отырғыңыз келсе, оны диск ретінде қосуға болады:

1. This PC ашып, жоғарғы жағындағы Map network drive батырмасын басыңыз.
2. Диск әріпін таңдаңыз (мысалы, Z:).
3. Папка жолын енгізіңіз: \\192.168.0.101\OffisKujattar.
4. Reconnect at sign-in жалаушасын қойыңыз, егер әрқашан жалғануын қаласаңыз.

Қосымша кеңестер

• Компьютерлер бір желіде екенін тексеріңіз.
• Екі компьютерде де Network discovery және File and printer sharing қосулы болуы тиіс (Control Panel > Network and Sharing Center > Advanced sharing settings).
• Қауіпсіздік мақсатында тек қажетті папкаларға ғана ортақ рұқсат беріңіз.